【明報專訊】一田行政總裁黃思麗（Susanna）昨日宣布將於本月31日正式卸任，之後會先抖抖，暫別職場一段時間。由2016年至今，佢喺一田百貨擔任CEO已經有7年，期內一共經歷咗3年疫情。佢形容初上任時嘅情景依然歷歷在目，最緊張VIP DAY生意，見記者時又好緊張。佢又話，咁多年嚟轉工未試過中間放假，今次離開一田將會好好「放假」，會送個女返英國讀書，亦有打算旅行，可能係去非洲，但未有固定行程，相信職場下一站都需要大家支持，不過暫時未有去向。
