經濟

小琴密語

投資策略

八方雲集傳撤出大陸

【明報專訊】去年9月正式登陸台股的「餃子股」八方雲集(台:2753),今年3月先首度踏出家門,勇闖美國開出首家門市,正當投資者以為八方雲集喺海外大展拳腳,噚日台灣《工商時報》報道,曾經喺內地擁逾百間分店的八方雲集將在今年年底前全面撤出大陸市場,實行「棄中投美」。

八方雲集作為台式餐飲老大哥,內地業務表現一向唔錯。佢哋今次撤出,事關現時內地市場競爭激烈,加上人工、租金、物價成本上漲,而且內地「動態清零」政策造成嘅封城同其他限制措施,令八方雲集決定轉投幾乎無競爭對手嘅美國市場。

今次消息傳出後,八方雲集並無直接回應傳媒查詢,只係話仍然係評估當中,而且唔會喺今年內做決定。而公司兩年前已啟動停損機制,陸續關閉營運不佳的門市,目前持續調整中。

email: piano@mingpao.com

[小琴密語]

相關字詞﹕八方雲集

上 / 下一篇新聞