【明報專訊】卓悅（0653）創辦人葉俊亨、其妻子鍾佩雲、兒子葉韋彤三人日前被一間財資公司入稟高等法院申請破產，卓悅噚日急急發聲明，表明訴訟案件同集團無關係，並唔會對集團業務上造成影響。卓悅又強調，葉俊亨及鍾佩雲已經喺2020年出售股份比𠵱家嘅大股東陳健文。聲明又話，集團最大股東係陳健文，亦係公司董事會主席兼執行董事。而葉俊亨及鍾佩雲喺2021年6月29日嘅股東特別大會上，因同集團嘅利益出現重大衝突而被罷免職務。
