【明報專訊】匯豐旗下投資理財「匯豐One」，之前搵嚟「人氣王」姜濤做活動大使，齊搞廣告活動，小琴聽講個活動相當成功，而匯豐管理層都好睇重呢次合作，早就精心挑選一班後生同事負責呢個活動，希望拉近同年輕一代嘅距離。而姜濤都獻出咗佢嘅第一次投資，一句「告別投資A0」更席捲全港，匯豐仲藉住呢個廣告一口氣橫掃有「影像廣告界奧斯卡」之稱嘅YouTube Works年度廣告大賞兩個Impact from Insight同Action Driver獎項，仲攞埋最高榮譽Grand Prix大獎！
