經濟

小琴密語

投資策略

郭家耀加入安里資產管理 與黃偉康再聯手

【明報專訊】如果係有返咁上下「股齡」嘅讀者,相信對黃偉康同郭家耀呢兩個名都唔會陌生,事關佢哋早年都經常上鏡為股民解答疑難,兩個人仲曾經做過同事,最近就再度合作,黃偉康旗下安里資產管理噚日宣布,委任郭家耀為董事總經理。

黃偉康喺2009年曾經擔任敦沛證券(已賣盤兼改名成西南證券)董事總經理,同當時擔任證券投資研究部主管嘅郭家耀份屬同事,後來兩個人各奔前程,黃偉康喺2015年自立門戶成立安里證券,除咗證券仲做埋資產管理。

至於郭家耀繼續股票分析老本行之外,都向資產管理方面發展,曾經做幾家中資證券公司資產管理高層,今次再同黃偉康聯手,唔知會擦出咩新火花?

[小琴密語]

相關字詞﹕安里 郭家耀 黃偉康

上 / 下一篇新聞