經濟

小琴密語

投資策略

經營36年 UA正式被頒發清盤令

【明報專訊】唔知大家對上一次去戲院睇戲係幾時呢?喺香港經營咗36年嘅大型連鎖戲院UA Cinemas(娛藝院線)今年3月宣布全線結業,公司早前入稟高等法院,申請自行清盤,案件尋日喺高等法院聆案法庭提訊。聆案官喺無人反對之下,正式頒發清盤令。

串流平台日趨流行,加上疫情嘅關係,相信入戲院睇戲嘅次數已經愈嚟愈少。UA Cinemas今年3月初就喺官網告別影迷,話因為疫情同長期經營壓力,遺憾宣布全線結業,形容係痛心及艱難的決定,又對長期支持嘅顧客致歉。

不過小琴就覺得,入戲院睇戲嘅體驗始終唔一樣,睇戲更加有feel,更加投入,仲可以同朋友仔一齊笑、一齊驚,有好多童年回憶喺入面,香港戲院嘅數量愈嚟愈少,得閒真係要入吓戲院睇戲,保留番戲院文化。

[小琴密語]

相關字詞﹕UA院線結業

上 / 下一篇新聞