經濟

小琴密語

投資策略

港航限量版套裝明開售

【明報專訊】新冠病毒肺炎疫情下,多國持續封關,唔少航空公司敵不過寒冬而結業。早於去年已經傳出財困嘅香港航空,今個月頭正式停止地面服務嘅運作;集團噚日就公布話聽日(23日)起,喺網購平台Epix Products推出一系列機上用品,除咗最搶手嘅餐車,仲會有限量版旅行套裝、餐酒等。

港航今次仲會搞搞新意思,將各種用品分為唔同組合,好似用一架小型餐車擺滿商務艙用品,十足十平時空姐、空少喺機上面推住嘅餐車咁。至於價格就會按貨品組合而定,餐具組合售價由1788元起,小型餐車連機上用品則由8888元起,仲包埋運費送貨。港航服務總監Chris Birt就話,見到大眾對飛機用品好有興趣,又唔想浪費集團存貨,所以決定攞出嚟賣;既可畀顧客重拾昔日乘搭港航嘅美好回憶。

[小琴密語]

相關字詞﹕香港航空

上 / 下一篇新聞