經濟

小琴密語

投資策略

喜茶放棄收購 樂樂茶:經營良好

【明報專訊】近年內地打卡「網紅茶」開到成行成市,其中不時傳出上市嘅喜茶,被指有意聯同元氣森林,收購競爭對手「樂樂茶」,估值更達40億人仔!不過,喜茶創辦人聶雲宸噚日就喺微訊朋友圈回覆傳聞,承認的確同樂樂茶接觸過,「但在深度了解內部情况、業務數據和狀况後已經徹底、完全、堅決放棄」,似乎話中有話。

估值傳高達40億人仔

樂樂茶都不甘示弱,即刻反擊指「公司目前獨立發展,經營狀况良好,並無被收購計劃」。

雖然事實只有佢哋自己先知,但有市場人士表示,傳聞樂樂茶有40億元人仔估值似乎報大數,事關𠵱家樂樂茶喺內地全國分店都係70幾間,相當於每間分店價值高達5000萬。

而單計舊年喜茶已經開咗304間分店,可見無論覆蓋率同市場滲透度都贏樂樂茶成條街,如果話喜茶睇中樂樂茶嘅銷售渠道廣泛而有意收購,似乎唔多合理。

email:piano@mingpao.com

[小琴密語]

上 / 下一篇新聞