經濟

小琴密語

投資策略

Webb來港30年 冀本港恢復自由市場

【明報專訊】獨立股評人David Webb喺香港活躍咁多年,噚日佢就發文話,至今已正式來港30年喇。佢話,當年自己只係一粒薯仔banker,傻吓傻吓嚟到香港,唔經唔覺就成家立業,也希望咁多年嚟,都叫做對香港有少少回饋。貢獻實有喇,Webb曾經揭發「謎網50」妖股,咁多年來都直言不諱為小股東爭取權益。可惜嘅係,Webb都話,經過泛民議員清洗、反對派傳媒執笠,如果係25歲嘅佢,對住今日冇曬生氣嘅香港,可能都未必會再作出同樣嘅選擇。

雖然Webb感慨香港已天翻地覆,但佢好似未諗住跟隨其他名家就咁封筆。佢話,普通人係改變唔到中國政治,而自己為數不多仲可以為公眾利益講嘅野,就係經濟政策。佢批評,香港政府近年益發干預市場,仲要做法唔合理,有如搞「中央計劃經濟」,以後自己想盡力推動呢方面嘅改變。要改變政府諗法談何簡單,小琴都要對佢講一句:香港人,珍重!

[小琴密語]

相關字詞﹕中央計劃經濟 香港人珍重 小琴密語

上 / 下一篇新聞