經濟

小琴密語

投資策略

中銀輕便制服 實踐綠色採購理念

【明報專訊】平時銀行分行嘅員工,都係成套西裝返工,不過中銀香港(2388)話為咗發展綠色銀行,引入咗輕便制服,分行員工每逢周五同周六會換上返工。輕便制服採用四季皆宜嘅免熨布料,較正式制服易清洗,有助實踐綠色採購理念。

新制服設計以配合員工日常工作需要為基礎,灰色翻領短袖上衣配以休閒直腳長褲,會配備帶有紅色點綴嘅深色外套。

中銀同時會加快網點智能化發展,喺超過180家網點設立電子專區同自助化智能設備,部分網點會引入電子「至專客服」,客人可以自助形式處理開戶、更改密碼同更新客戶資料等交易,有助減省紙張推行環保。

中銀話,配合分行智能化轉型,可以減少日常營運所產生嘅碳足跡,促進綠色及可持續發展,佢哋會繼續喺各項業務營運中實踐環保,優化各項業務流程。

email:piano@mingpao.com

[小琴密語]

相關字詞﹕數碼化 可持續發展 小琴 環保 綠色銀行 中銀香港

上 / 下一篇新聞