經濟

小琴密語

投資策略

中證監用潮語發稿 批投行「帶病闖關」

【明報專訊】監管機構講嘢一向一板一眼,不過中證監噚日出稿,要求加強對負責A股新股保薦、承銷同財務顧問嘅投行監管,就用咗唔少非常生動嘅形容詞,話有啲IPO係「帶病闖關」、「一查就撤」,強調以後會從嚴處理。

至於乜嘢叫「帶病闖關」?其實中證監唔係講緊真係有病,而係指有某啲投行明知客戶有問題,仍然「博大霧」幫佢哋申請上市,博唔會被抽查最終成功上市。

至於「一查就撤」就似乎簡單得多了,就係指一旦被監管機構抽查,投行就立即撤銷上市申請。

針對當前突出問題「下狠手」

中證監份文件話,呢種問題有必要「標本兼治」,既針對當前突出問題「出重拳」、「下狠手」,又要着眼行業長遠發展統籌考慮。睇到呢篇文章,小琴第一個諗起嘅係港交所(0388)前行政總裁、「金句王」李小加,呢類咁嘅比喻佢就最拿手啦。

email: piano@mingpao.com

[小琴密語]

上 / 下一篇新聞