經濟

小琴密語

投資策略

匯豐再更新網上理財條款 強調海外可用

【明報專訊】匯豐兩星期前通知客戶網上理財條款新修訂,話嚟緊7月如果客戶喺香港以外地區,切勿使用下載網上或流動理財,喺近期一片移民潮中引起客戶恐慌。雖然後尾匯豐強調香港客戶仍可如常在海外使用,不過唔少人唔收貨,話條款唔係咁講。匯豐噚日就再更新相關條款,加入咗「當地規例不准提供產品及服務」作為條件,先唔可以喺當地使用網上理財。

匯豐話為咗闡明原意,相關章節已經更新。最新條款列出,如客戶喺香港以外使用網上同流動理財,而身處或居住嘅司法權區法律或規例,不准客戶提供某些產品同服務,該行未必獲准在當地向提供該等產品同服務。佢哋再強調,香港客戶可以如常於海外使用網上及流動理財服務,不過每個司法管轄區對銀行監管法規唔同,相關章節只係提示用戶有關情况。

email:piano@mingpao.com

[小琴密語]

相關字詞﹕海外港人 網上理財 小琴 匯豐

上 / 下一篇新聞