經濟

小琴密語

投資策略

陳啟宗再爆金句:發夢都要識講普通話

【明報專訊】近年積極發表愛國言論嘅恒隆地產(0101)董事長陳啟宗(圖)噚日又有金句。佢出席一個論壇致辭時提到,香港人必須學好普通話,仲要發夢都識得講普通話,咁香港就有前途喇。小琴雖然識講普通話,但發夢好似都仲係用廣東話母語,諗落真係唔爭氣。

一向高瞻遠矚嘅陳啟宗話,家陣世界局勢發展迅速,中國係發展過程中,冇可能停低等香港,「有香港最好,但冇香港都唔係咩大問題」,港人唔可以再咁自我中心,以香港為本位睇事情;反而應該以國家為本位,放眼世界,報效國家。

陳啟宗話,以前香港人學英文,依加應該要學好普通話,即使廣東話有值得保留嘅地方,其實等於各種方言都有保留嘅價值;但為咗香港未來發展,學生哥就必須將普通話講得更好,希望所有教學都以普通話為主。

佢老人家仲教路,一種語言就要先為之學得好?就係你發開口夢時會用得到。聽到呢度,小琴都幾好奇,唔知陳董發夢鬧人嘅時候會講咩呢?

email:piano@mingpao.com

[小琴密語]

相關字詞﹕愛國愛港 陳啟宗

上 / 下一篇新聞