經濟

小琴密語

投資策略

國泰出招「谷針」 送私人空中派對

【明報專訊】近日各大企業為求幫政府「谷針」不斷送禮,國泰(0293)噚日亦宣布推出獎賞,送空中派對予已接種疫苗者。不過小琴又諗,以可能多人聚集嘅空中派對利誘市民打針,又係咪正確呢?

國泰噚日推出連串獎賞,當中特別大獎係可邀請已全面接種疫苗嘅親朋,喺國泰全新嘅空中巴士A321neo客機上舉辦私人派對,遨遊香港。另外,國泰亦舉辦大抽獎,送出2000萬「亞洲萬里通」里數。得獎者可用里數兌換飛行、旅遊、生活品味同娛樂獎勵;更可以用全新「里數加現金」方式靈活使用里數。航班將由已全面接種疫苗的機組人員營運。國泰表示,合資格的參加者須持有香港身分證,並於8月底前已全面接種疫苗。

此外,國泰將為駐港後勤員工提供兩天疫苗假,並對接種疫苗有顧慮的駐港員工,免費提供接種疫苗前的醫療評估。之不過,疫苗喺科學上亦並非百分百保障,打完針就成班人「開P」,如果一個唔好彩爆疫就慘咯!

email:piano@mingpao.com

[小琴密語]

相關字詞﹕疫苗假 空中派對 谷針 國泰航空

上 / 下一篇新聞