經濟

小琴密語

投資策略

京官做外賣仔稱「太委屈」 美團:正改善騎手體驗

【明報專訊】近日美團(3690)風波連連,前晚北京某電視台嘅一條影片,喺內地瘋傳,亦係針對美團。影片中,北京市人社局勞動關係處副處長王林做咗一日「外賣仔」,12個鐘內,出盡力都只跑到5單生意,僅賺41元人民幣。呢位副處長最後忍唔住講句,「太委屈了,這個錢太不好掙了」。段片令美團被迫要回應,強調「正在改善騎手配送體驗」。

12個鐘跑5單生意 賺41元人民幣

對呢件事,小琴就有兩大觀察。首先,一切好似太巧合,都衝住美團而來,美團本周一先被市監局立案調查,到周二國家主席習近平出巡時又話要維護外賣配送員嘅合法權益,同日晚上電視台就播出段片,噚日再有新華社出稿推呢條片,睇嚟美團已經被睇中。

第二就係,提到「外賣配送員」,內媒近兩日竟然無提過陳國江嘅名字,皆因佢係外賣員維權分子嘅「盟主」。不過,唔提佢係好正常,據傳佢同其他維護分子同一下場,早已被拘捕,近兩個月都無消息。

[小琴密語]

上 / 下一篇新聞