經濟

小琴密語

投資策略

理想汽車創始人失言被質疑價值觀

【明報專訊】最近內地汽車圈真係新聞多籮籮,美國上市「造車三寶」之一理想汽車,創始人兼行政總裁李想日前一篇深夜微博就鬧出滿城風雨,甚至被質疑佢價值觀有問題。

事緣一位女記者透過社交軟件認識理想一名男工程師,表明身分後嗰女記者向對方詢問有關理想一款車型嘅技術問題,但嗰個工程師以帶有侮辱女性嘅用詞回覆,問女記者「X生活是否和諧」,因此女記者要求理想處理事件。

後來工程師被解僱,公司亦透過公關向女記者道歉,但女記者要求理想必須喺社交平台公開以集團身分道歉。李想喺微博提出疑問,話從法律及道德倫理層面,公司係咪需要道歉?

李想嘅感嘆可能係覺得對方咄咄逼人,但結果微博一出,反而惹來其道德價值觀有問題嘅批評。目前未知理想同李想會怎樣善後,但肯定係呢次唔止公司被要求公開道歉,李想佢自己都會被要求公開道歉。

email:piano@mingpao.com

[小琴密語]

上 / 下一篇新聞