經濟

小琴密語

投資策略

螞蟻傳零息貸款振員工士氣

【明報專訊】內媒總愛用「盛宴」形容螞蟻集團的IPO,但螞蟻最終上市失敗,盛宴搞不成,無飯開,點都要做番啲嘢補償。本來螞蟻計劃向員工回購股份,變相令佢哋可以套現,但上月又傳出因為估值問題,擱置咗回購計劃。最新嘅消息係,集團可能向員工提供零息貸款,以提振士氣。

作為螞蟻員工,近一年嘅心情應該由天堂跌至谷底,原本諗住公司上市後可以套現,點知上市不成,仲要被監管要求整改,近月外電常有傳螞蟻員工士氣不振的報道,似乎事出有因。

彭博社噚日就報道,螞蟻集團計劃向擁有無法兌現股票選擇權的員工提供零息貸款,通過這種方式,員工可獲得流動性,而毋須為其股份設立一個最新的估值。或者呢個都係最好嘅權宜之計,畢竟中國有咁多科技或電商巨頭正在搶緊人,如果唔對員工好啲,最終傷害嘅可能係公司自己。

[小琴密語]

上 / 下一篇新聞