經濟

小琴密語

投資策略

1年收16沽空報告 中概股「跟誰學」改名

【明報專訊】藝人改名可能為轉運,上市公司改名可能為業務轉型,至於上星期宣布要改名,美國上市嘅中概教育股「跟誰學」,唔知改名係咪為咗避開狙擊呢?事關今次跟誰學不單止要將公司名改成高途集團,噚日仲進一步表示要連股票代號都改埋,從5月6日起由GSX更換為GOTU。

改名為高途集團

公司解釋,改名係因為來自高途課堂嘅業績已經佔到近90%,跟誰學已經不足以代表現時公司業務品牌,而改股票代碼,係因為新代碼包含多種寓意。之不過咁,從去年5月以來,呢間公司已經先後被知名沽空機構包括渾水、香櫞同灰熊等狙擊造假,一年之間收到成16份沽空報告,最新一次先至發生喺本月初,呢個紀錄就算唔係後無來者,都肯定前無古人。之不過,改完名似乎未見為公司帶來好運,噚日公司先至被北京市市場監督管理局指摘利用虛假或使人誤解價格手段,誘騙消費者交易,涉價格違法行為而被警告及罰款50萬元人民幣。

email:piano@mingpao.com

[小琴密語]

相關字詞﹕沽空機構 改名 跟誰學

上 / 下一篇新聞