經濟

小琴密語

投資策略

Tesla公開數據釋疑 維權女丈夫轟侵私隱

【明報專訊】特斯拉(Tesla)上海維權女車主投訴一事再有新進展,車廠周四(22日)公開煞車事故前行車數據後,女車主丈夫李先生就話,Tesla侵犯車主個人私隱權同消費者權益,會向鄭州市場監管部門投訴,又話接受唔到Tesla未經車主允許,就擅自公開行車數據。

事緣Tesla上海車展周一開幕時,有車主到場抗議,指佢爸爸有次揸Tesla時煞車失靈,發生交通意外,但車廠冇提出補償措施或任何承諾。Tesla回應引來多家官媒炮轟後,公布意外前30分鐘行車數據,發現司機有超過40次踩腳掣紀錄,又多次超過每小時100公里車速同煞停嘅情況。

Tesla:車主電話唔通 已郵遞數據

對於投訴,Tesla回應話由於客戶同家屬電話一直唔通,已將數據以郵件方式速遞畀佢。李先生就話老婆仲喺拘留所內聽唔到電話,車廠公布行車數據前從未聯繫過家屬,要求Tesla公開道歉,並且撤銷行車數據。

[小琴密語]

相關字詞﹕行車數據 維權女車主 上海車展 特斯拉(Tesla) 交通意外

上 / 下一篇新聞