經濟

小琴密語

投資策略

網民諷恒大展模型車 業界澄清:全封閉設計正常

【明報專訊】之前畀官媒批評無任何一款車量產,只係「PPT造車(紙上談兵)」嘅恒大汽車(0708),喺前日開幕嘅上海車展,就一口氣「晒冷」,展出9款恒馳車型。總裁劉永灼仲表示今年第四季全面啟動試生產,明年大規模交付。

但係有眼尖嘅內地網民就發帖,話影到恒馳個車底係平整嘅,根本就無底盤,加上展位唔畀參觀者靠近,9架恒馳均被保安團團圍住,因此質疑展出嘅恒馳只係徒具外殼。而「恒馳無底盤」消息噚日亦網上發酵,更有網民留言:「(恒大)早已超過PPT的低級範疇,已經是模型造車了」。

對於被指拎模型車出來愚弄參觀者,恒大汽車未有回應,但事件亦好快獲得內地汽車媒體澄清,指出電動車底盤因為集成大量電路,所以都採用全封閉設計,不會睇到傳動軸,又以Tesla嘅Model 3為例,指Tesla電動車車底也是平整,為恒馳平反。

email:piano@mingpao.com

[小琴密語]

上 / 下一篇新聞