經濟

小琴密語

投資策略

保利協鑫又延發業績 不再提復牌日

【明報專訊】俗語有云「事不過三」,去到第四次就肯定情况不妙。今年初曾經由1.2元升到高位3.88元嘅保利協鑫能源(3800),噚日就宣布要第四度延期公布2020年業績。

據公司解釋,因為上周五(9日)收到核數師信函,提出審計過程中遇到嘅問題,並要求公司審核委員會參與解決,委員會已經同核數師,仲有公司管理層合作處理,但由於問題嘅不確定因素,所以無辦法於現階段確定及發布年度業績。

計埋今次,公司自3月28日開始已經第四度延期公布業績,仲因此從4月1日起停牌至今,但令人最感不妙嘅係,之前3次延期,公司都信心滿滿咁會畀個新嘅期限,今次就連日期都唔畀,只係話另行通知,令小股東等了又等,都不知何年何月先會復牌。

[小琴密語]

相關字詞﹕停牌 延期 業績 保利協鑫

上 / 下一篇新聞