經濟

小琴密語

投資策略

陳啓宗旗下基金「小米誤當快手沽」

【明報專訊】恒隆(0101)大股東陳啟宗家族旗下晨興資本,近年專門做內地科網股上市前投資,以極低成本入貨獲利甚豐,不過噚日申報沽貨時就「擺烏龍」,誤將小米(1810)當快手(1024),如果投資者無為意,可能仲以為快手被一折嘅低價「減持」。

據聯交所資料顯示,小米非執董、晨興董事總經理劉芹配偶倪媛媛申報,於4月7至9日連續3日在場外減持合共3296.48萬股快手B類普通股,平均價分別為26元、26.4348元及26.5元,合共套現約8.67億元。惟快手在該三日嘅盤中價或收市價從未低於268元,噚日收市價報267.6元,減持價相當於現價約「一折」。

不過,倪媛媛其實因為係劉芹太太身分要做申報,比較返劉芹申報,佢喺相同日期、以相同出售價減持同樣股數,不過係減持小米而唔係快手,意味倪媛媛的申報或是手民之誤。

email:piano@mingpao.com

[小琴密語]

相關字詞﹕倪媛媛 劉芹 晨興資本 快手 小米

上 / 下一篇新聞