經濟

小琴密語

投資策略

傳中金前高層「派帽」 人夫大方談離婚後事

【明報專訊】內地投行一哥中金(3908)前晚出通告,宣布合規總監陳剛因為身體原因離任,噚日內地網上隨即流傳陳剛同一名已婚女下屬搞婚外情,本來職場桃色緋聞非新鮮事,但據佢同女下屬丈夫嘅一段對話錄音,兩人唔單止無鬧交仲非常客氣,被「派帽」嘅女下屬丈夫話會力爭孩子撫養權,陳剛就話就算由佢去撫養,必定盡力善待孩子咁話。

對話錄音瘋傳 人夫:你哋會唔會結婚?

據內地網上瘋傳一則陳剛同女下屬馬軍華的丈夫一段長9分鐘嘅對話錄音,兩個人期間對話一直客氣,不過陳剛一直語調戒備,直到馬軍華丈夫講到:「(小琴廣東話翻譯)你好似喺微信叫馬軍華老婆?」兩個人先一輪「有咩?」、「無咩?」、「有咩?」,氣氛似乎緊張起嚟。不過,陳剛期間一直保持客氣,馬軍華丈夫都似乎係想求個公道,陳剛話「係我唔好」,馬軍華丈夫就話「你認錯就okay喇」,之後兩個人轉到實際問題,馬軍華丈夫想問陳剛會唔會同馬軍華結婚,希望安排好孩子日後生活,最後對話喺兩個男人惜英雄重英雄嘅氣氛下(小琴認為)結束。

email:piano@mingpao.com

[小琴密語]

上 / 下一篇新聞