經濟

小琴密語

投資策略

余偉文難忘任志剛淡定打大鱷

【明報專訊】中文大學呢兩年經歷唔少風風雨雨,不過金管局總裁余偉文(Eddie)就力撐母校,佢早排接受校友雜誌訪問,當中提到佢喺金管局生涯嘅兩位恩師,佢就大讚前前任總裁、近年喺行政會議不時指點江山嘅白髮老師任志剛,話喺佢身邊做助理時獲益良多喎。

Eddie喺金管局生涯可以話係分成上下半場,上半場係1991年佢擔任政務主任時調派到當時仍然叫做「外匯基金管理局」嘅金管局,到1995年佢決定暫別金管局到哈佛讀MBA;直到哈佛畢業後又重回金管局工作。

佢提到重返金管局後撞正1998年金融風暴,當時做任志剛助理,佢話喺任老身上學到唔少嘢,例如任老經常話「急事慢行」,當時政府決定入市對抗國際大鱷,去到最後一日,要動用大量外匯基金來反擊,任老全日依然氣定神閒,到後來2008年的金融危機,Eddie都一樣緊記呢個「居安思危」嘅原則。

email:piano@mingpao.com

[小琴密語]

上 / 下一篇新聞