經濟

小琴密語

投資策略

專業旅運炒股賺120萬 幫補主業

【明報專訊】近期股市同經濟脫軌,經濟差、公司收入減少,例如「波仔」(即「舖王」鄧成波嘅孻仔鄧耀昇)都話靠炒股填氹,原來連上市公司都唔例外。疫情重創旅遊業之下,專業旅運(1235)主業持續虧損,不過近日靠炒港交所(0388)股票而進帳120萬,總算填番少少氹。

高山企業抽美股帳賺4900萬

專業旅運噚日公布,以每股平均價528.4元沽清手上1萬股港交所,交易額近530萬,獲利120萬。今次沽股票嘅資金將用作一般營運資金同現金儲備,以喺未來尋求潛在投資機會。但其實佢早前公布嘅上半年財年,虧損擴大至1940萬,睇嚟炒股方面要加把勁先。

另外,物業投資股高山企業(0616)噚日亦宣布,抽咗早前喺美股上市嘅霧芯科技(RLX),斥資約473.13萬美元,買入約39.42萬股,每股價12美元。噚晚RLX開市大概報28美元,即係帳面已賺咗630萬美元(約4914萬港元)啦。

[小琴密語]

上 / 下一篇新聞