經濟

小琴密語

投資策略

港鐵前CEO梁國權任新意網非執董

【明報專訊】新意網(1686)噚日發公告,委任港鐵(0066)前任行政總裁梁國權為獨立非執行董事,取代同時宣布因為「專注於其專業發展」辭任嘅郭國全,變動將於下周一(18日)生效。除咗曾經喺多家大公司工作之外,梁國權家世顯赫,祖父係因為做怡和「買辦」致富嘅梁顯利,父親梁紹榮就曾經做過房協主席。

新意網話,郭國全與集團嘅董事會並無意見分歧,對他在任期間於集團嘅貢獻表示謝意。至於接替嘅梁國權,作為集團董事每年可獲取15萬元董事袍金。

下周一生效 每年袍金15萬

梁國權近年最為人所知,係佢喺港鐵期間爆發嘅沙中線工程爭議,外判商禮頓被指偷工減料,作為時任高層嘅梁國權當時受到唔少壓力。今次新意網邀請佢加盟坐鎮,可能係因為公司近年大力發展數據中心業務,曾經喺發展商、支付公司工作過嘅佢相信適合不過。

email:piano@mingpao.com

[小琴密語]

上 / 下一篇新聞