經濟

小琴密語

投資策略

美心主席伍偉國沽匯控賺43萬

【明報專訊】匯控(0005)上星期走強,吸引到美心主席兼恒生(0011)獨董伍偉國沽貨套現。據伍偉國向港交所作出申報,原來佢上星期五(8日)以場內交易賣出10萬股匯控,每股做價43.3元,套現433萬元。

睇番資料,伍偉國喺去年7月7日以每股39元買入10萬股匯控,即係話今次沽貨,伍偉國短短5個月就淨賺43萬元,完成交易之後,佢喺匯控就一股不沾。值得留意伍偉國7月買入匯控之後,匯控股價一度跌到27.5元,揸到𠵱家先沽都算佢夠定力。

伍偉國係美心集團創辦人之一伍舜德長孫,作風低調,亦鮮見於股市有投機,今次短炒匯控都幾罕見吓。反而佢同太太羅寶盈就鍾意磚頭,曾於2019年底斥2.4億元買入半山睦誠徑洋房;以及2017年底透過「買殼」形式,購入曾由「娛圈富婆」鄺美雲所持嘅深水灣文禮苑洋房。

email:piano@mingpao.com

[小琴密語]

相關字詞﹕美心 匯控 伍偉國

上 / 下一篇新聞