經濟

小琴密語

投資策略

「舖王」鄧成波812萬增持松齡560萬股

【明報專訊】「舖王」鄧成波(波叔)今年頻頻出售旗下資產,更不惜蝕讓出貨,惹嚟財困疑雲。不過,噚日波叔就申報,以812萬元增持旗下護老院營運商松齡護老集團(1989)。

小琴噚日喺聯交所披露權益發現,波叔喺12月21日以每股平均價1.45元增持560萬股松齡,涉資812萬元,持股由25.33%升至25.95元%。其實波叔增持松齡都合晒「合尺(音:何車)」,事關未來佢家族將會同上市公司愈來愈多關連交易,揸多啲松齡自然穩陣啲。好似上個月底松齡業績會,波叔之子、陞域集團及松齡主席鄧耀昇就話,會趁疫情打擊令商舖空置率急增之際,採用輕資產模式,甚至利用家族本身物業助松齡擴張。其後就正式公布同「波叔」訂立物業管理協議,租用4個分別位於荃灣西、荃灣汀九、屯門及銅鑼灣物業,由松齡提供安老管理服務,預期將運營約450個牀位、200個生活輔助公寓及130個日間護理名額。

[小琴密語]

相關字詞﹕陞域集團 鄧耀昇 松齡護老集團 舖王 波叔 鄧成波

上 / 下一篇新聞