【明報專訊】渣打噚日公告，話之前喺社交網站及通訊軟件發現一份偽冒由佢哋發出嘅公告，澄清番佢哋無同曠逸國際（1683）簽訂任何諒解備忘錄或戰略協議。呢隻曠逸近排非常出名，星期一半日內急跌八成，而急跌之前嘅上星期，有俗稱為「微信女」，即係來歷不明嘅「靚女」喺即時通訊「建議」股民入貨，然後將持倉截圖發畀佢哋。
渣打呼籲，客戶應該喺官方網站同港交所披露易網站，查閱佢哋官方公告。佢哋唔會透過任何途徑，包括電話或即時通訊軟件，例如WhatsApp、微信，提供任何個別股票建議和推介。
早前有俗稱「微信女」叫股民入貨
曠逸喺星期一急挫八成後停牌發出公告，前執行董事梁興隆夫婦已經喺在上星期二同星期三減持共16.5%股份。曠逸噚日收報0.24元，下跌15.8%。
email:piano@mingpao.com
