經濟

小琴密語

投資策略

歐陽伯權任希瑪獨董 太太是「老闆」

【明報專訊】希瑪眼科(3309)噚日公布,委任歐陽伯權同葉澍堃出任獨立非執行董事,由今日起生效,兩人嘅任命為期3年,每月董事袍金都係2萬元。

講開又講,歐陽伯權嘅太座,原來已經係希瑪股東,目前持有希瑪30萬股。以噚日收報5.47元計,市值都成164.1萬元,變相係丈夫「老闆」。歐陽伯權為人熟悉嘅,係佢早年做美國信安金融集團嘅亞洲區主席,喺保險界有超過40年經驗,當年佢公司因為收購AXA嘅強積金部門,晉身強積金五強之一。佢喺上年7月成為港鐵(0066)主席兼非執行董事,甚至做獨立監察警方處理投訴委員會觀察員計劃嘅觀察員,同證監會投資者及理財教育委員會嘅董事局成員,公職多多。葉澍堃以前係政府經濟發展及勞工局長而為人所知,2007年7月離開政府後,就開展獨董生涯,甚至做埋食評家,兼參與主持飲食節目。

[小琴密語]

相關字詞﹕葉澍堃 歐陽伯權 希瑪眼科

上 / 下一篇新聞