經濟

小琴密語

投資策略

港視擬轉型科技股 本月推數據共享庫

【明報專訊】HKTVmall母公司香港電視(1137)想轉型為科技股,副主席兼集團行政總裁王維基噚日喺金融科技周分享,話公司今個月會推出數據共享庫「Open Data Bank」,向全港公開消費者數據,希望促進香港創新環境,小琴都好期待,到底會包括乜嘢數據呢?

不過小琴應該未有咁快有得睇住嘞。HKTVmall經過超過5年營運,港視目前已經蒐集咗大量嘅消費者數據,王維基喺中期業績時就話,首階段將會先畀本地大學、專上學院、研究機構、數碼廣告公司、銀行等,希望今次分享會對學術研究同數碼營銷有所貢獻。

查實港視喺早排公布中期業績時,已透露咗呢個「數碼生態系統計劃」,當中增設外賣功能同推電子錢包兩項已推出,除咗大數據,只有第四項開放HKTVmall登陸頁面詳情未公開。

[小琴密語]

相關字詞﹕港視 王維基 小琴

上 / 下一篇新聞