經濟

小琴密語

投資策略

板藍根帶挈股價 白雲山急澄清

【明報專訊】每次有疫症,白雲山(港︰0874、滬:600332)股價總有異動,因為佢出產嘅板藍根,經常被吹捧成神藥。中國工程院院士鍾南山早幾日提到,研究發現板藍根顆粒對新冠病毒有藥效,消息帶動白雲山股價大升,港股A股都升一成。但集團噚日澄清,研究針對「白雲山和黃公司」,而該公司係合營公司,白雲山只佔一半股權,唔納入合併範圍,所以預計銷售唔會對業績有重大影響。

白雲山和黃公司分別由白雲山及和記黃埔(中國)各持50%股權,估唔到今次「誠哥」李嘉誠又成為贏家。但白雲山話,板藍根產品喺中國競爭好大,亦唔係集團或者附屬企業獨家生產。小琴認為,呢次澄清公告最重要嘅一點,係指出呢次針對新冠病毒嘅研究,係屬於「體外」實驗,後續仲需對該產品開展進一步相關工作。其實體外實驗證明可抑制病毒,唔代表大家將板藍根飲落肚,就可以消滅病毒架。

[小琴密語]

相關字詞﹕和記黃埔(中國) 白雲山 板藍根 鍾南山

上 / 下一篇新聞