經濟

小琴密語

投資策略

沈旭暉辭非執董職 轉任遵理母企高級總監

【明報專訊】著名國際關係學者沈旭暉百足咁多爪,唔講唔知,原來佢係經營遵理學校嘅精英匯(1775)嘅董事。精英匯噚日公告透露,沈旭暉辭任非執行董事一職,改為出任集團嘅國際教育高級總監,並由昨日起生效。

負責開發各國升學業務

集團話沈旭暉主要負責領導同管理集團嘅團隊,開發唔同國家嘅國際教育、升學業務,當中嘅國家不限於英國、美國同澳洲之外嘅國家,再從中協調集團嘅專長同資源。簡單咁講,即係集團有意發展除英國、美國同澳洲以外嘅海外業務。

集團仲話沈旭暉同董事會冇出現分歧,更感謝佢就職期間嘅貢獻,仲表示歡迎佢擔任集團最新業務發展一職。

精英匯噚日股價向好,收市報0.58元,全日升9.4%,成交金額15.72萬元。

[小琴密語]

上 / 下一篇新聞