經濟

小琴密語

投資策略

陸香港新客買iBond 變相賺多4嚿水

【明報專訊】政府早前推出通脹掛鈎債券(iBond),最低息率保證由1厘變2厘,隨即引來市場關注。

陸金所旗下陸香港就宣布,會推出「2+8厘收益」iBond獎賞活動,只要喺11月4日晚上9時前完成登記,成為新客戶,而喺認購期內經陸香港手機App成功認購iBond,除咗可享政府2厘最低息率保證外,仲可享陸香港額外補貼嘅8厘息率收益券!

小琴聽完覺得幾吸引,但實際上係咪咁着數呢?公司話,新客戶喺活動期間,可以用8厘收益券認購包括iBond在內嘅非貨幣市場基金產品,時限3個月,但客戶最多可以認購兩手iBond,即以最多2萬元計,最多只可賺約400元額外收益。

唔知係咪金額一般,參與活動嘅新客戶亦可獲「7免」優惠,包括豁免認購手續費、頭6個月內沽出經紀費、提早贖回費、代收利息費、存入費、託管費及到期贖回費,變相都幫新客慳咗錢嘅!

email:piano@mingpao.com

[小琴密語]

相關字詞﹕政府 認購 優惠 息率收益券 2+8厘收益 陸金所 息率 陸香港

上 / 下一篇新聞