經濟

小琴密語

投資策略

阿里搞盒馬火鍋迎寒冬

【明報專訊】內地火鍋品牌愈滾愈熱,愈滾愈多,阿里巴巴(9988)旗下的盒馬鮮生,喺寒冬將至之際,正式加入火鍋大戰,據悉已註冊「盒馬火鍋」商標,將進行一場火鍋革新,更有多家知名火鍋品牌加入。

盒馬鮮生係超市,亦係街市,同時做配送服務,今次註冊火鍋商標或會進軍火鍋餐飲業。而盒馬火鍋新嘅營運方式,將火鍋同新零售互相結合嘅市場拓展,或會為國內的火鍋市場帶來一場改革。

其實盒馬鮮生早已經喺火鍋市場上躍躍欲試,回帶去年10月,盒馬總裁侯毅已拋出預告話,盒馬火鍋係全國門店上線,重點打造海南椰子雞、潮汕牛肉、濃湯海鮮、泰式冬陰功、羊蠍子等符合年輕人口味嘅鍋底,而盒馬火鍋亦將普及火鍋外送消費。

[小琴密語]

相關字詞﹕阿里巴巴 盒馬鮮生

上 / 下一篇新聞