經濟

小琴密語

投資策略

系統再故障 渣打致歉

【明報專訊】渣打又出事啦!屯門區議員盧俊宇噚日朝早係facebook發文稱收到消息,全線渣打銀行系統故障,客戶唔可以提款及存款。渣打及後回應,注意到部分客戶昨早喺分行、櫃員機以及網上銀行未能順利交易,部分使用存摺嘅客人交易受影響,該行正調查事件,並且為客戶帶來不便致歉。

事實上,上月底有渣打客戶嘅銀行資金係未經批准下,無故被自動轉帳至馬會戶口,但馬會戶口就未見進帳。渣打銀行其後證實事件,稱已將誤扣款項回撥至受影響客戶嘅戶口。另外,渣打旗下虛銀Mox早前亦出現月結單顯示問題,疑泄漏客戶資料,都影響唔少用家信心,小琴覺得銀行一定要再加強同改善喇!

對於渣打幾次發生事故,金管局回應指出,當局已責成銀行盡快修復系統,減少對客戶造成嘅影響,更已經要求銀行就近期系統故障的成因,及點樣防止同類事故發生提交詳細報告,並採取有效措施加強系統穩定性。

email:piano@mingpao.com

[小琴密語]

相關字詞﹕盧俊宇 資金 報告 金管局 存款 提款 櫃員機 系統故障 渣打銀行

上 / 下一篇新聞