經濟

小琴密語

投資策略

環聯全球調查:涉港人疫情網上騙案飈升

【明報專訊】俗語有話騙徒嘅手法層出不窮,被人呃一次都嫌多。環聯發表最新全球網上詐騙趨勢季度調查話,港人有關疫情嘅網上騙案較疫情初期增加9%,指騙徒有策略咁將目標由企業轉移到欠缺警覺性嘅消費者身上。

企業嘅詐騙目標亦由疫情初期嘅電訊同金融服務行業,轉移到近期的物流同電子遊戲企業。環聯總共訪問8265人,有接近四成港人自稱曾成為網上騙徒嘅目標,千禧世代(年齡26至40歲)最為嚴重,達40%。

大家認知嘅釣魚可能是休閒活動,但網絡釣魚(Phishing)就是網上詐騙手法之一。喺報稱成為全球新冠肺炎相關網上詐騙目標嘅香港消費者中,有29%話收到網絡釣魚訊息。而第二位係有關新冠肺炎疫苗、治療、檢測和個人防護裝備嘅詐騙資訊。環聯香港區行政總裁林嘉儀話,網絡釣魚盛行,可以睇出騙徒不求賺快錢,反而係「放長線釣大魚」。一旦騙徒成功咁竊取消費者嘅身分憑證,受騙嘅消費者網上戶可能被入侵,或會影響個人嘅信貸評分,影響深遠。

[小琴密語]

相關字詞﹕小琴 網上騙案 環聯

上 / 下一篇新聞