HKTVmall推「長者版」 送150蚊禮券

【明報專訊】𠵱家人人都網購，但唔係人人都識網購。對一班公公婆婆而言，網購或者相對陌生。香港電視（1137）旗下HKTVmall推簡易版專畀長者使用，簡易版支援特大圖片和字體，仲有語音功能搵心水產品，但最吸引應該係有150蚊購物禮券，額滿即止。HKTVmall指出，10月6號起，長者只要帶同長者卡同智能電話，朝早10點到門市拎籌，再喺朝早10點半至下午4點半到指定門市，就有專人協助佢下載同登入應用程式，然後攞購物券。