經濟

小琴密語

投資策略

永明:八成在家工作受訪者 見少咗上司感快樂

【明報專訊】前幾個月因為新冠肺炎流行,唔少公司安排員工在家工作。永明金融在上月底至本月初進行調查,有62%受訪者試過在家工作。正所謂「相見好同住難」,原來喺公司都一樣,有82%有在家工作受訪者話,在家工作見少咗上司感到快樂,另有67%話見少咗同事感到快樂。現時唔少打工仔已經返番辦公室,不過大部分人想繼續彈性上班,73%受訪者話希望永續在家工作安排。

73%受訪者希望永續在家工作

至於點解在家工作咁受歡迎,有84%受訪者話可以騰出時間做私人事務、81%話精神爽利輕鬆愉快,69%話跟家人關係變好。永明首席市務及數碼策略總監馮婉欣認為,彈性工作勢將成為職場新常態,佢哋都喺1月底除必要員工外,其他在家工作,直至近期才結束。佢建議,公司可與員工多作溝通增進信任,佢哋都有用視像會議舉辦員工聚會。保監局喺3月底開放保障型保險產品,可不經與客戶面談遙距銷售,馮婉欣話遙距銷售目前使用率高,符合當初預期。

email:piano@mingpao.com

[小琴密語]

上 / 下一篇新聞