香港寬頻：政府津貼歸員工

【明報專訊】新冠肺炎來勢洶洶，不少行業都叫苦連天，最直接影響到的當然是一眾嘅「打工仔」。雖然政府早前公布800億「保就業」計劃，不過有幾多真係落番「打工仔」個袋入面，就真係未知之數。幸運嘅係，香港仍然有良心企業。香港寬頻（1310）宣布，為咗響應近期港澳兩地政府宣布嘅薪金資助計劃，集團應承將由兩地政府手上獲得嘅薪金資助全數發放畀約3500名港澳員工，更加應承不扣減人工，以及遵守不裁員嘅條款。