經濟

小琴密語

投資策略

下一篇
上一篇

劉強東奶茶妹「披露」未離婚

【明報專訊】內地電商京東CEO劉強東舊年喺美國捲入涉嫌性侵案,雖然美國檢察方最終撤控,但劉強東同「奶茶妹」章澤天離婚嘅傳聞仍然陰魂不散。

日前京東入股首長國際(0697),根據聯交所披露,章澤天依然以劉強東配偶嘅身分一同申報持股,再次粉碎離婚傳言。

章澤天喺10年前因為一張手持奶茶嘅相片而喺網絡走紅,2014年劉強東喺微博承認同章澤天嘅戀情,仲話章澤天係佢見過最單純善良嘅人,雖然兩人年齡相差19歲,但2015年劉強東同章澤天結婚,翌年仲喺香港生咗囡囡。

然而,劉強東舊年喺美國明尼蘇達州因涉嫌性侵大學女生被捕,劉強東被人影到着住橙色囚犯衫嘅照片,之後美國檢察方調查後,決定唔起訴劉強東,其後劉強東極力保持低調,上月初劉強東仲以「個人原因」低調呈辭第13屆全國政協委員。

email:piano@mingpao.com

[小琴密語]

相關字詞﹕首長國際 章澤天 奶茶 劉強東 京東

上 / 下一篇新聞