經濟

下一篇
上一篇

羅家聰:金融業換血 換不走中環價值

【明報專訊】有「香港末日博士」之稱的羅家聰,任職交銀香港首席經濟及策略師多年,儼如該行的「生招牌」。上月他突然離開交銀,離職撞正香港風頭火勢,難免惹人聯想。然而,他受訪時未着墨太多,只說現在做分析員「基本事實有得講,好似資金進出、香港的事都唔講得,無意思」,更慨嘆的是「佔中後(金融業)一直大換血,篩走啲(香港)人」,亦令同業自我審查,連外資行亦如是,言談間道盡多年來中環人不敢發出的心聲。

脫下中資牌頭的羅家聰,不改敢言本色,他不諱言不少記者喜歡訪問他,「好多嘢大家都知,大家都明,但唔敢講,要借我把口講」。

要講金融業大換血,記者頂多是外行看熱鬧,羅家聰卻是內行看門道。他表示:「自己(中資)20年前跟你學嘢,以前你北上教,然後佢落嚟。到而家佢已經唔需要你哋。」不過,換血換不走中環價值,甚至香港價值。羅家聰認為:「佢哋唔明,有啲嘢唔係能力問題,而係態度、思維問題!你唔跟市場規矩走,以為換走啲人就得,但得返個殼嘅香港仲係咪香港?」

香港不會「攬炒」 或是改革契機

回歸後「中國模式」橫掃香港,羅家聰認為,中國模式改變不了香港人,「以前他們以為洗腦就得,但現在發現係骨子裏基因不同」。就好似中國提倡「人民幣國際化、上海金融中心多年,得唔得?市場信唔信?」

今次事件亦不會令香港「玩完」,更並非「攬炒」。雖然現時未知最終結果,但羅家聰認為「未到好衰,或者是一個改革的契機」,「好似以前大家有段時間好buy(受落)中國模式,不用講規矩,夠惡、夠大、夠多錢就得,但後來唔係,會行返轉頭」。

他亦認為示威者已看穿今次非打持久戰,全因香港「金融中心唔捱得幾耐」。「今次是不斷升級,他們攰就返屋企瞓,再出來,再升級,今次無得拖。」內地政府亦會怕,以新聞封鎖壓制在內地傳播,而貿易戰令中國受壓,香港居中就似槓桿,效果可以很大,「到底邊個怕傾唔掂?邊個經濟唔得先?」

他認為,香港人在事件中亦一直學習,最後「可能否極泰來,爭取到一啲嘢都未定」,又或「最多變大陸一個城市」。

明報記者 方楚茵

上 / 下一篇新聞