經濟

小琴密語

投資策略

下一篇
上一篇

金管局責成銀行 免費提供7年戶口紀錄

【明報專訊】其實唔少資料保存得愈耐,對大家就愈有保障,例如監控錄像、財務紀錄等等,而且資料唔單止要保存夠耐,最緊要係方便查閱,否則就失去保存意義。隨着愈嚟愈少人用紅簿仔,金管局總裁陳德霖噚日就宣布,局方聯同銀行公會跟業界商討之後,決定要求銀行延長電子戶口結單嘅網上查閱期限,最遲由明年第一季末開始,銀行要逐步將零售個人客戶電子戶口記錄嘅網上查閱期累積至最少7年,而且客戶想睇番自己紀錄的話,銀行要免費提供服務。

匯豐同恒生(0011)亦好快回應新措施,宣布個人客戶於明年首季起免費查閱過去7年電子結單,當中包括綜合理財戶口、港元往來戶口及港元儲蓄戶口。匯豐仲額外提供即時免費索取過往兩年信用卡電子結單服務,如果要索取過往3年至7年信用卡結單,匯豐亦會免費向客戶提供一份印刷版。

[小琴密語]

相關字詞﹕電子結單 紅簿仔 恒生 匯豐 金管局

上 / 下一篇新聞