經濟

小琴密語

投資策略

下一篇
上一篇

馬雲臨別 「六脈神劍」升呢

【明報專訊】噚日係阿里巴巴成立20周年,亦都係創辦人馬雲正式退任董事局主席嘅日子,公司喺杭州總部舉辦20周年年會,提出「新六脈神劍」價值觀,願景係成為唔追求大、唔追求強,追求活102年嘅好公司,以及創造1億就業機會。

阿里當年成立5周年,引用咗馬雲最愛嘅金庸小說,其中一套《天龍八部》入面一套武功「六脈神劍」比喻公司價值觀,六劍分別係客戶第一、團隊合作、擁抱變化、誠信、激情、敬業,雖然話馬雲今日正式退任,不過依然維持「六劍論」,今次提出嘅「新六脈神劍」,包括「客戶第一、員工第二、股東第三」、「因為信任 ,所以簡單」、「唯一不變的是變化」、「今天最好的表現是明天最低的要求」、「此時此刻,非我莫屬」同埋「認真生活,快樂工作」,複雜咗咁多,可以話係原有六劍嘅升級版。

[小琴密語]

相關字詞﹕天龍八部 新六脈神劍 馬雲 金庸 阿里巴巴

上 / 下一篇新聞