經濟

小琴密語

投資策略

下一篇
上一篇

被傳執笠急插 富臨闢謠未止跌

【明報專訊】富臨集團(1443)近排負面新聞不斷,噚日下午更驚傳執笠。手機通訊軟件及討論區瘋傳集團即將全線執笠信息,更呼籲「如有月餅卡在手,請即去取餅,朋友正(證)實已有幾間關門!」不過,小琴就睇到富臨喺公司貼咗內部通告,澄清絕無此事。

近期香港社會衝突不斷,唔少企業都捲入事件,好似富臨就陷入8.11「福建幫」、「紅衫人」打人風波,加上飲食業近期出現唔少經營不善,或受到經濟不明朗及示威影響而執笠嘅個案,消息傳開後,富臨股價喺噚日接近兩點半突然插水跌近兩成,其後公司雖發特別通告澄清,但無助止跌,收市仍插超過17%。

富臨澄清指出,全線關閉嘅傳言係「惡言中傷」,內部一切運作正常,又話集團作風低調,惟近期事件影響公司聲譽,更流出酒店要結業嘅傳言,令各位同事面對唔同壓力,管理層感到非常難過。富臨提到,希望各位同事繼續秉持專業服務精神,不論客人身分、國籍或膚色,都會盡心盡力服務。

email: piano@mingpao.com

[小琴密語]

相關字詞﹕示威活動 飲食業 執笠 紅衫人 福建幫 富臨

上 / 下一篇新聞