經濟

小琴密語

投資策略

下一篇
上一篇

海底撈打邊爐可歎紅酒

【明報專訊】海底撈(6862)前排出中期業績曾經提到,上半年推出咗187種新菜品,仲出埋海底撈品牌嘅奶茶,為客人提供更多選擇。通天酒業(0389)噚日就公布,同海底撈合作推出咗一款搭配火鍋飲用嘅「海底撈微泡山葡萄酒」,首批產品已經喺部分海底撈門店有得買喇,即係可以一邊打邊爐,一邊歎紅酒!

通天酒業合作 專搭配火鍋飲用

通天酒業就話,呢隻紅酒係第一次為連鎖食店、四川麻辣火鍋愛好者度身訂做嘅產品,用咗鴨綠江河谷產區嘅優質北冰紅葡萄為原材料。集團嘅生產基地位於鴨綠江流域,同世界知名嘅法國羅納河谷、美國納帕郡位於同一緯度,自然環境都好相近,可以種出優質葡萄。

其實海底撈都推出咗唔少飲品,小琴上去官網睇一睇,就見到有兩款啤酒同埋乳酸菌飲品,不過紅酒再加火鍋真係好特別,唔知反應又會點呢?

[小琴密語]

相關字詞﹕通天酒業 葡萄酒 啤酒 海底撈

上 / 下一篇新聞