經濟

小琴密語

投資策略

下一篇
上一篇

西藏水甘肅蘋果咖啡 中石化便利店有售

【明報專訊】中石化(0386)旗下嘅加油站便利店易捷近日推出新品牌「易捷咖啡」,首間咖啡店已經落戶蘇州,現時有3種唔同定位系列產品,包括黑白咖啡、時尚特飲同埋精品系列。易捷就話,易捷咖啡可以話係加油站便利店業務「外送+到店消費」新零售模式嘅創新。

易捷咖啡推3系列產品

易捷便利店喺內地有2.7萬間分店,透過供應鏈可以將內地嘅特產同扶貧產品,融入創意飲品之中,例如係「西藏卓瑪泉天然冰川飲用水」同「甘肅天水花牛蘋果」加埋咖啡,就變咗「易捷蘋果冰萃咖啡」。另外,今次合作伙伴就搵咗互聯網咖啡品牌「連咖啡」,網上銷售更加有經驗。

易捷就解釋,以前消費者只可以入咖啡店消費,而「易捷咖啡」就可以方便消費者,不論喺路上、車入面或者是加油站附近商圈,都可以輕鬆買咖啡,令加油站便利店成為城市零售中心。小琴見到中石化有自家咖啡品牌,覺得好有趣,如果可以推出有石油特色嘅咖啡,相信會更有趣。

email:piano@mingpao.com

[小琴密語]

相關字詞﹕西藏水 連咖啡 新零售 易捷咖啡 中石化 咖啡店

上 / 下一篇新聞