經濟

小琴密語

投資策略

下一篇
上一篇

中國動力夢想未燒完 電動巴「浴火重生」

【明報專訊】大家可能還有印象,2015年底一輛由生產力促進局與上市公司中國動力(0476)子公司環保動力,合作研發嘅電動巴士於元朗車場「離奇自焚」,雖然經過4個月調查後,查明係人為疏忽引起,同研發技術或電池質量等無關,但之後已經好少人再提香港電動巴士。

不過,中國動力從來沒有放棄研發電動巴士嘅夢想。公司噚日就宣布,佢哋專為香港市場設計嘅智慧電動巴士已經通過實地路面測試,意味着呢款產品可以滿足香港對車輛嘅嚴格要求。中國動力預計,會喺明年初將兩部智慧型電動巴士交付予生產力促進局,以供機管局及香港防癌會試用。

中國動力主席張韌對公司呢款電動巴士充滿信心,覺得會成為香港同其他市場大型電動汽車中嘅主要車型,為加快開拓香港,乃至打開海外電動汽車市場創造有利條件。

[小琴密語]

相關字詞﹕自焚 電動巴士 生產力促進局 中國動力

上 / 下一篇新聞