經濟

小琴密語

投資策略

下一篇
上一篇

入商場要身分證登記 K11:告示指商場關門後

【明報專訊】噚日網上有人流傳新世界發展(0017)旗下位於尖沙嘴嘅商場K11,門口貼咗張告示話,任何人如果要入本商場,就一定要出示有效嘅身分證明文件登記,先可以「獲准」入商場。 嘩!真係好大的官威啊! 事件傳出後,一眾嘅網民即刻議論紛紛,批評K11搞白色恐怖,又揚言不再去K11購物,但點知原來又係一單「集體炒車」事件。

K11發言人噚日接受傳媒查詢嘅時候就解釋,有關告示其實係商場關門之後,即係夜晚10點到翌日朝早10點放喺場內,而相關告示喺今朝9點半已經移走。

發言人話,事件純粹誤會一場,對於告示所引起嘅誤會表示抱歉,商場明白公眾關注,已經即時修改,強調K11歡迎所有顧客光臨。事實證明,Fact Check真係好重要,今次都算係還了K11一個清白。

[小琴密語]

相關字詞﹕新世界發展

上 / 下一篇新聞