經濟

小琴密語

投資策略

下一篇
上一篇

吳向東任新地獨董 首名共產黨員入局

【明報專訊】新鴻基地產(0016)噚日公布委任華潤置地(1109)前執行董事吳向東為公司嘅獨立非執董,為新地歷來首個內地人加入董事局,9月1日起生效。

潤地前主席 一手打造華潤萬象城

現年52歲嘅吳向東算係內房界別風雲人物,佢曾經喺2009年至2019年2月擔任潤地執董,並曾出任潤地常務副總經理、董事總經理及董事會主席。由於吳向東曾任潤地黨委書記,換句話說,今次亦係新地歷來首個內地共產黨員加入董事局。

新地開發、收租雙軌並行模式,一向係唔少內房嘅學習模範,吳向東亦係潤地靈魂人物。佢自1993年加入潤地,一手締造華潤萬象城呢個經典物業系列,佢2009年晉身潤地董事局,2013年6月更接替王印成為潤地主席,唔知雙方會唔會有新火花?

不過,自從2014年華潤集團前董事長宋林涉貪落馬,吳向東亦盛傳捲入該案,其後更辭去潤地主席並消失人前多時,後來先喺潤地復出,直至今年吳向東辭任並拉隊轉投A股上市嘅華夏幸福(滬:600340),正式同潤地結束超過25年嘅關係。

[小琴密語]

相關字詞﹕萬象城 華夏幸福 宋林 吳向東 新鴻基地產 華潤置地

上 / 下一篇新聞